Lemmer 2 wie in geweldich spannende finale tusken de nûmers 1 en 2 fan it klassemint, Jelle Talsma en Delmer Los. Dat wie foaroan yn it wedstriidfjild. Eltsenien wit hoe't dat ôfrûn is: Jelle Talsma, debutant yn de grutte A, is kampioen wurden. Mar achteryn barde ek in soad.
ifFoar de eagen fan it publyk fûn in oanfarring plak by it farren om 'e tonne by it strân. It like oft Geale te betiid draaide en dat dêrtroch twa oare skippen yn de knipe kamen by de tonne. Earst krige Eastermar de Singelier tsjin de kop en dêrnei raamde Siete Meter yn de stjoerboardwarring fan it Eastermarder skip. Gefolch: in protest fan Siete Meter tsjin Geale Tadema en oarsom. De protestkommisje hat der tiden mei dwaande west mar de útslach is dat it protest fan Siete Meter tsjin Eastermar ôfwiisd is en it protest fan Geale Tadema tsjin Siete Meter erkend. Lykwols wie de sitewaasje sa yngewikkeld dat de kommisje besluten hat dat it Siete Meter gjin punten kostet. Foar de fersekering is it wol wichtich dat Tadema it protest tawiisd krigen hat, want der is wol wat skea oan it skûtsje. It doarp Eastermar waard en bliuwt hjoed 13e en is, fansels spitich, als lêste einige yn it algemien klassemint.
De oanfarringsitewaasje by de tonne foar it strân
De 'Nieuwe Zorg' fan André Wiersma (Aldegea) mei oan board it Eastermarder bemanningslid Eit Jonkman is 7e wurden yn it klassemint fan de lytse A-klasse.
Snein komt it doarp Eastermar wer thús (± 15.30/16.00 oere) en wy hoopje dat in soad minsken skip en bemanning op de Komerk opwachtsje sille. Mei harren grutte ynset dizze wike is dat blyk fan wurdearring wis en wrachtich fertsjinne. Ek al betsjut it resultaat wol dat wy it kommende jier wer betiid fan 't bêd moatte om de wedstriden fan de B-klasse te besjen...
It wie hjoed de lêste wedstriid foar skoateman Oebele Brouwer, hy hat oanjûn dat er ophâlde sil
-
- Informatie
- 06 december 2023
Skûtsjewijnactie 2023
Hoewel inflatie, grondstofprijzen en kosten voor materiaal de afgelopen jaren almaar toenamen, heeft... Fierder lêze » -
- Informatie
- 27 november 2023
Winterferljochting skûtsje Ea hinget wer
De Winterferljochting hinget wer yn de mêst. Foto's: Henk de Leeuw Fierder lêze » -
- Informatie
- 02 november 2023
Skûtsje Ea weer klaar voor de winter
Zaterdag 28 oktober was het weer tijd voor de jaarlijkse mastwisseling. De wedstrijdmast er af en ond... Fierder lêze » -
- Informatie
- 11 oktober 2023
Cheque Rabo Clubsupport foar SIES
Tige tank dat jimme op ús stimd hawwe! Bestjoer SIES Fierder lêze » -
- Informatie
- 26 september 2023
SIES Donateursilen 2023
Sneon 23 speptimber wie it jierliks donateursilen mei it Eastermarder skûtsje.De opkomst wie goed en... Fierder lêze » -
- Informatie
- 07 september 2023
Donateurzeilen Eastermarder skûtsje
Het Stichtingsbestuur en eigenaren van het Eastermarder skûtsje bieden hun donateurs de gelegenheid... Fierder lêze »
-
- Informatie
- 02 december 2023
Eastermar is...
...in twadde doarpsskûtsje: de Broekophâlder. Fierder lêze »