Wylst de fanfare fan muzykferiening 'De Lofstem' (Sumar) 'You never walk alone' spile kaam it IFKS-kampioensskûtsje it doarp Eastermar oan yn 'e thúshaven. De bemanning en oanhing wienen yn Burgum oan board stapt, de Burgumer Mar oerfearn en krigen in feestlike ûntfangst op De Komerk yn Eastermar. In moaie kloft minsken woenen de thúskomst fan de kampioenen net misse. Under de klanken fan it Frysk folksliet en mei grut applaus stapten de bemanningsleden oan wâl.
Yn syn wolkomstwurd lei de foarsitter fan 'e Stifting It Eastermarder Skûtsje, Wijbe Postma, de klam op de geweldige tiimgeast by skipper en bemanning fan ús doarpsskûtsje. "Wy hienen dit tefoaren net foar mooglik hâlden en dochs ha jim dizze geweldige prestaasje levere: Proficiat!" Ek loko-boargemaster/wethâlder Gelbrich Hoekstra spruts har bewûndering út oer it beheljen fan it kampioenskip yn de A-klasse IFKS. Sy hie in dei mei west op it folchskip en foaral de gemoedlikheid keppele oan in grut taakbewustwêzen hie yndruk op har makke.
Skipper Geale Tadema lei út dat de grutskens foar syn bemanning en it behelle resultaat te tankjen wienen oan de professjonele ynstelling fan 'e ploech. In spesjaal wurd fan tank hie er foar syn âlden. De rom 300 oanwêzigen beleannen syn emosjonele taspraak mei applaus.
Nei dizze offisjele mominten op 'e wâl fan 'e Lits setten bemanning mei oanhing, stiftingsbestjoer en oare belangstellenden nei it doarpsplein om dêr by Herbergh De Parel en Ytkafee 't Breed it kampioenskip te fieren. It muzikale duo Pieter en Michiel makken in feestlike ôfsluting fan in, foar Eastermar reusachtich slagge, IFKS-wike kompleet.
-
-
- Informatie
- 06 maart 2024
Skûtsjejûn SIES 2024
De Skûtsjejûn waard goed besocht, de seal yn't Breed siet fol. Fierder lêze » -
- Informatie
- 12 februari 2024
Winterferljochting skûtsje Ea wer opburgen
Wy wienen dit jier wat letter, mar de winterferljochting leit wer yn de 'simmeropslach'. Fierder lêze » -
- Informatie
- 23 januari 2024
Nijjiersgearkomste SIES
Freedtejûn 19 jannewaris hienen wy in tige slagge nijjiersgearkomste foar bestjoer, bemanning en oan... Fierder lêze » -
- Informatie
- 19 december 2023
Nieuwe sponsor voor Stifting it Eastermarder Skûtsje
Wij verwelkomen Movere Media als nieuwe sponsor! Fierder lêze » -
- Informatie
- 06 december 2023
Skûtsjewijnactie 2023
Hoewel inflatie, grondstofprijzen en kosten voor materiaal de afgelopen jaren almaar toenamen, heeft... Fierder lêze »