As men tocht dat ús Ea-skûtsjemannen en –froulju nei de suksesfolle IFKS-wike har deljaan koenen, dan is dat in misfetting. Skûtsje en bemanning hienen dêrnei noch in rol by it ‘Easterbarren’, hja ha mei de skoalferlitters fan ‘Balsemyn’ en ‘Bolster’ in syltocht makke en ha mei de donateurs in moaie jûn skûtsjesyld op ‘e Mar. Dêrneist is der ‘ploechjesyld’ en hie ‘it doarp Eastermar’ noch meidwaan sild oan trije wedstriden: Heech, De Friese Hoek (de Lemmer) en de Roekoepolle Race (Snitser Mar). Fan dizze trije is allinnich de wedstriid by Heech trochgien, want foar de beide lêste wedstriden stie der tefolle wyn.
Dan moast saterdei 28 oktober it skip echt ‘winterklear’ makke wurde. Dat hâldt yn dat der in mêstwiksel plakfynt en dat swurden, gyk, túch, ferstaging en roer yn opslach gean foar ûnderhâld en opkreazjen. It meast spektakulêre ûnderdiel dêrfan is wol de mêstwiksel. De wedstriidmêst, 19 (!) meter lang, wurdt op de Snakkerbuorren fan ’t skûtsje takele en moat mei in spesjale frachtwein nei De Gerdyk (H.G. Broersma, Masten) brocht wurde. Foar dy mêst yn ’t plak komt dan de ‘âlde’ mêst dy’t simmers by Bouwe de Jong (Sumarderwei) bewarre wurdt. Dy wurdt mei in troch Metalis fabrisearre ridende ‘bok’ fan de Sumarderwei nei de Snakkerbuorren brocht.
By de foto: Bûtengewoane belangstelling foar convoi exceptionel
By al dizze aktiviteiten is help fan Eastermarder bedriuwen needsaaklik en dy help wurdt romhertich bean. Leanbedriuw Sj. Veenstra fan ‘t Wytfean wie ree ta it helpen by it takelwurk en foar it ferfier nei de Gerdyk koe in berop dien wurde op it ridend ark fan de Combex, mei sjauffeur Wiebe Hogendorp. Dizze help wurdt troch bemanning, eigenaren en Stifting It Eastermarder Skûtsje (SIES) o sa op priis steld.
By de foto: Drokte op Snakkerbuorster opslach
De lêste drokte fan dit jier op ’t skûtsjemêd is it oanbringen fan de ljochtsjes troch de ljochtmaster en it stiftingsbestjoer. Dat sil ein novimber dien wurde. Op dy wize krijt it ynkommen fan ús doarp by de brêge yn tsjustere dagen wer in fleurich oansjen.
Dy fleur kin noch grutter wurde troch de kommende wynaksje 2017 fan SIES te stypjen… Mar dêr hearre jim noch wol mear fan.
Wijbe Postma,
út namme fan it SIES-bestjoer
-
- Informatie
- 17 maart 2023
Nieuwe sponsors Eastermarder skûtsje
Stifting 'it Eastermarder Skûtsje' is erg blij met de komst van een aantal nieuwe sponsors! Age Terp... Fierder lêze » -
- Informatie
- 17 maart 2023
Verslag van de Ea skûtsjejûn in Eetcafé 't Breed
Vrijdag 10 maart was de Ea skûtsjejûn in Eetcafé 't Breed. Ondanks de hevige sneeuwval was er een goe... Fierder lêze » -
- Informatie
- 06 maart 2023
Ea Skûtsjejûn
-
- Informatie
- 11 december 2022
Winterferljochting Ea-skûtsje
“Komt it skûtsje noch yn ’t ljocht?”, waard my troch in doarpsgenoat frege. Plak en tiid wienen der... Fierder lêze » -
- Informatie
- 25 november 2022
Skûtsjewijnactie 2022
Wij zijn erg blij dat onze dorpssuper ook dit jaar weer zijn medewerking wil verlenen aan onze wijna... Fierder lêze » -
- Informatie
- 13 september 2022
Ea-skûtsje fart mei jeugd en donateurs
De 14 bern dy’t freedtemiddei 9 septimber ll. by de brêge-ein oan board stapten, wienen wakker nijsg... Fierder lêze »
-
- Informatie
- 17 maart 2023
Nieuwe sponsors Eastermarder skûtsje
Stifting 'it Eastermarder Skûtsje' is erg blij met de komst van een aantal nieuwe sponsors! Age Terp... Fierder lêze »