Mei hast de folsleine bemanning hat skipper Geale Tadema de saterdeitemoarn foar de peaskedagen brûkt om ‘it doarp Eastermar’ farklear te krijen foar it kommende simmerskoft. Dat moast eins ek wol, want op 14 en 15 april – dus oer krapoan fjirtjin dagen – wurdt der al syld by Langwar. Mar gjin noed, alle nedige wurksumheden ferrûnen dy moarns neffens plan. Dat it sa goed útpakte wie te tankjen oan de ynset fan meardere partijen. Sa brocht sjauffeur Jan Schotanus fan de Combex mei in spesjale frachtwein de wedstriidmêst fan ‘e Gerdyk nei Eastermar. Dat is in hiel ûndernimmen, want dy ‘peal’ mjit 19 meter! It is dan ek te begripen dat by sa’n transport de dochs wat krappe Snakkerbuorren in skoftsje blokkeard waard.
Dêr kaam noch by dat foar it fuortheljen fan ‘e ‘wintermêst’ fan it skûtsje en it ynstallearjen fan ‘e oanfierde mêst de ynset fan in kraan nedich is. Dy wie der, mei tank oan it bedriuw 'Brouwer en Brouwer grondverzet'. Hy waard mei feardige hân betsjinne troch Stefan Brouwer. It wie bytiden millimeterwurk en der moast mei grutte krektens opereard wurde. Gelokkich wie der ek tiid foar in bakje kofje of tee mei broadsjes, fersoarge troch ‘moeder-overste’ Sees Tadema. De omstanners ha mei bewûndering sjoen nei de útfiering fan dit gehiel. De ploech wie moarns om sawat sân oere begûn en slagge deryn om tsjin tolven de hiele put klear te hawwen. It iennige wat der noch barre moat, is it pleatsen fan ‘e beide swurden.
Petsje ôf foar de ynset fan alle wurkers!
-
-
- Informatie
- 06 maart 2024
Skûtsjejûn SIES 2024
De Skûtsjejûn waard goed besocht, de seal yn't Breed siet fol. Fierder lêze » -
- Informatie
- 12 februari 2024
Winterferljochting skûtsje Ea wer opburgen
Wy wienen dit jier wat letter, mar de winterferljochting leit wer yn de 'simmeropslach'. Fierder lêze » -
- Informatie
- 23 januari 2024
Nijjiersgearkomste SIES
Freedtejûn 19 jannewaris hienen wy in tige slagge nijjiersgearkomste foar bestjoer, bemanning en oan... Fierder lêze » -
- Informatie
- 19 december 2023
Nieuwe sponsor voor Stifting it Eastermarder Skûtsje
Wij verwelkomen Movere Media als nieuwe sponsor! Fierder lêze » -
- Informatie
- 06 december 2023
Skûtsjewijnactie 2023
Hoewel inflatie, grondstofprijzen en kosten voor materiaal de afgelopen jaren almaar toenamen, heeft... Fierder lêze »
-
- Informatie
- 22 april 2024
Doop skûtsje de Broekophalder: een feestelijk spektakel!
Na een geslaagde tweede training op de Burgummer Mar stond de bemanning van Skûtsje de Broekophalder... Fierder lêze »