Oantinkens oan bysûndere mominten
oan gearkomsten, feestjes, barrens
oan yoga, teater, muzyk
oan moetings op it terras
dêr, op ‘e hoeke fan de Beimastrjitte
it koe allegear yn Meerzigt
Fleurigens op donkere sneintemiddeis
gesellichheid op lange winterjûnen
it flirtsjen mei in gleske en in laits
in bytsje glitter en glamour
yn ús eigen, lytse doarp
it koe allegear yn Meerzigt
Tink ik werom oan de waarmte
it noflike byinoar wêzen, it petear
tink ik werom oan ‘e gelokkige mominten
fan gelokkige minsken
it gelok fan Eastermar
it koe allegear yn Meerzigt
Muzyk och sa bekend
of noch nea earder heard
soms treurich, by tiden opswypkjend
lit ús dûnsje, jawis, lit ús dûnsje
sjonge of neontsje, stikem yn josels
it koe allegear yn Meerzigt
Ferstrûpe foar in moaie middei
of in jûn dik yn’t feest
mei hapkes dy’t sa hearlik wei-ite
en drankjes dy’t sa noflik weiglydzje
mei minsken dy’t inoar spontaanwei in gleske oanbiede
it koe allegear yn Meerzigt
De holle tsjok mei oantinkens oan
it Paradiso, Hilton en Carré fan Eastermar
de bitterbaltsjes en de bitebaltsjes
de drûge wyntsjes en it Belgysk bier,
hearkens ja, wy keapje der noch ien
it koe allegear yn Meerzigt
In gearkommen, in ôfskied, in feest
tropfol, ôfladen mei minsken
fol ferwachtings fan wat komme sil
de foarsitter, de sprekker, de sjonger, de artyst
yn earsten is’t mûsstil en dan... applaus
it koe allegear yn Meerzigt
Wat hie’k stommegraach wold
dat it nea ophâlde,
foar altyd trochgean soe
it geroezemoes foar altyd te hearen wêze soe
dêr, op ‘e hoeke fan ‘e Beimastrjitte
want it koe ommers allegear yn Meerzigt
Anne en Christiaan, útbaters
wat binne wy grutsk
in djippe bûging
petsje ôf
mar tige, tige spitich
wy sjogge inoar nea wer yn Meerzigt
It giet jimme ferhipte goed!
RV
-
- Informatie
- 05 juni 2023
Tippers wer los yn ‘e TipToko
Mei in ploech fan 18 frijwilligers – de Tippers – start it simmerskoft 2023. Hja beminskje it haveng... Fierder lêze » -
- Informatie
- 28 mei 2023
Noch ien moanne...50 jier doarpsfeest!
Noch mar ien moanne, it is hast safier, Eastermar kin begjinne mei ôftellen: in spesjale edysje fan... Fierder lêze » -
- Informatie
- 26 mei 2023
World Servants
-
- Informatie
- 25 mei 2023
30 jier Kapsalon Joukje!
Trije desennia de fêste stek oan de E.M. Beimastrjitte foar in protte Eastermarders, mar ek út de omk... Fierder lêze »
-
- Informatie
- 21 februari 2023
pop-up Restaurant ‘t Stationnetje is op zoek naar jou!
Ben jij tussen de 14-28 jaar & lijkt het jou leuk om te leren koken & een restaurant op te zetten? D... Fierder lêze »