Boatsjeminsken ha sûnder mis it keunstwurk sjoen dat ein april yn de Burgumermar pleatst is. Dat barde yn it ramt fan it keunstprojekt WOORDENSTROOM. Dit projekt is yn opdracht fan de provinsjes Grinslân, Fryslân en Rykswettersteat ûntwikkele nei oanlieding fan de ferbetteringen dy’t oanbrochtwurde yn ‘e farrûte De Lemmer - Delfsyl. Dizze rûte is foar de beropsfeart in belangrike skeakel yn it Europeeske farwegenet. De farwei wurdt breder en djipper makke en de brêgen wurde ferhege.
It projekt WOORDENSTROOM sil úteinlik bestean út trettjin keunstwurken lâns de ferbettere rûte troch beide provinsjes en ein april hat deputearre Mulder it fyfde keunstwurk ‘Wettertoppen’ ûntbleate troch trije mei horizontale kleurbannen beskilderde boeien yn de Mar te pleatsen. De kleurige boeien foarmje in soarte fan wurdmasine, want dêr boppe-op binne buorden oanbrocht mei elk twa letters, T/M, O/A en L/K. Dy buorden wurde troch de wyn yn beweging brocht, sadat der hieltyd oare wurden foarme wurde. Neffens skriuwer Kees ’t Hart en typograaf/grafysk foarmjouwer Karel Martens, de betinkers fan it objekt ‘Wettertoppen’, ropt it gehiel assosjaasjes op mei de spontaniteit fan de bernetaal of de earste wurdsjes fan it lêsplankje.
De wurdmasine kin de folgjende wurden ‘meitsje’:
TOL TOK MOL MOK TAL TAK MAL MAK
LOT KOT LOM KOM LAT KAT LAM KAM
De keunstners ha der ek oer neitocht dat de brûkte byldmiddels – boeien en simpele lettertekens – passe by de dingen dy’t men op it wetter oantreffe kin.
-
- Informatie
- 05 juni 2023
Tippers wer los yn ‘e TipToko
Mei in ploech fan 18 frijwilligers – de Tippers – start it simmerskoft 2023. Hja beminskje it haveng... Fierder lêze » -
- Informatie
- 28 mei 2023
Noch ien moanne...50 jier doarpsfeest!
Noch mar ien moanne, it is hast safier, Eastermar kin begjinne mei ôftellen: in spesjale edysje fan... Fierder lêze » -
- Informatie
- 26 mei 2023
World Servants
-
- Informatie
- 25 mei 2023
30 jier Kapsalon Joukje!
Trije desennia de fêste stek oan de E.M. Beimastrjitte foar in protte Eastermarders, mar ek út de omk... Fierder lêze »
-
- Informatie
- 11 mei 2023
Eerste training skûtsje Ea 2023
Afgelopen weekend was er een training op de Burgumer Mar. De eerste training van een hopelijk mooi s... Fierder lêze »