In Dútsk skip hat sneontemiddei de brêge fan Skûlenboarch skansearre. It cruiseskip, de Sans Souci, woe trochfarre wylst de brêge noch net hielendal iepen wie. De brêge krige dêrtroch in ekstra triuw en dêrtroch waard it skip rekke troch it oare diel fan de brêge. Nimmen fan de opfarrenden fan de Sans Souci rekke ferwûne en dat mei in wûnder hjitte, sa sei de plysje dy't teplak wie. In soad minsken oan board sieten op it stuit dat it barde te iten en dat hat harren gelok west.

Troch de oanfarring hat de brêge foar autoferkear ôfsluten west oant 20.30 oere.

Update 23-07: De provinsje sil tegearre mei it Wetterskip hjoed de brêge yngreven ynspektearje. Mooglik is it draaimeganyk dochs mear skansearre as dat earst tocht wie.

(foto's Simon Bosma)