Fannemiddei hat de priisútrikking plakfûn fan de Sinteklaasaksje fan de 'Ondernemersvereniging Eastermar' (OVE). Yn de doarpssuper 'Alles ûnder ien dak' wienen om 14.30 oere de priiswinners útnoege om har priis yn ûntfangst te  nimmen.

De Bosgra's wûnen de tredde priis: in teaterbon.

De Annema's meie tegearre in wykein útfanhûzje yn in hotel. De twadde priis wie nmtl. in hotelbon.

De famylje Van der Meer fan Surhústerfean krige de earste priis útrikt troch Sjouke Wijnsma, foarsitter fan de OVE: in midwike yn in bungalowpark.

Neffens Sjouke Wijnsma wie de Sinteklaasaksje noch wer in grutter súkses as yn 2008. Der wiene aardich mear kassabonnen ynlevere (jim moatte tinke oan in pear tûzen...) as ferline jier. Goeie berjochten dus fan en foar de Eastermarder ûndernimmers.