Iepener fan it Easterbarren 'Bildstar' luts in protte besikers, foto Saskia van den Berg

Besikers, dy’t noch net sa goed yn ‘e kunde kaam wiene mei it strjitfestival, brochten de reinjas mei. Hoegde dus net. Al jierren leit der tidens it Easterbarren in bubbel oer Eastermar en fleane de buien om it doarp hinne. Hjir skynde de sinne en it smiet in fleurich, simmersk barren op.

Dy selde besikers rekken nei healwei trijen yn ‘e bubbel fan it Easterbarren sels. Underdompele yn de muzyk, it teäter, nij - en bekend talint. Troffen troch in stem, in grap, in pikefelmomint. In dei om alle grutte - en lytse wrâldsaken te ferjitten. In dei om inoar te treffen en te genietsjen. De nije slogan foar it doarp is ‘Eastermar, it moetsjen wurdich’. Dêr hoecht neat mear oan taheakke te wurden nei sa’n geweldich slagge strjitfestifal.
Organisaasje: tige tank!

De tradysje is dat der altyd fotografen fan eastermar.nl omrinne om byldferslaggen te meitsjen. Hjirûnder it resultaat.
Boppedat binne ek de fotoshoots fan Sjut & Sjikke (Iepenloftspul Eastermar) op dizze side publisearre.

• Byldferslach Easterbarren troch Jan Kooistra
• Byldferslach Easterbarren troch Saskia van den Berg (protte foto's, it laden duorret efkes)
• Sjut & Sjikke fotoshoot Iepenloftspul Easterbarren troch ferskate fotografen