Mei in ferskil fan ien millimeter hat Gepke Hoekstra in suksesfolle oanfal op it mannebolwurk sigaarsmoken dien. Hja hâlde de winner fan ferline jier, Sipke Hoekstra én Roelof Faber – ek al in priiswinner yn eardere edysjes – achter har. De oare dielnimmende froulju huldigen by de priisútrikking har seksegenoat mei de gjalp: “Girrrrrrlll powerrrrr.”
De dielname oan dizze tradisjonele wedstriid yn ‘e doarpsfeesttinte wie saterdeitemiddei wer oerweldigjend. Om’t der mar fyftich sigaren beskikber wienen, moast der ek dit jier wer in groepke (te) lette oanmelders teloarsteld wurde.
De feestkommisje hie besletten om de wedstriid nei in heger plan te tillen en liet dêrom de konfrontaasje tusken de dampende dielnimmers op it grutte poadium plakfine. In goede set want sa hie it publyk goed sicht op de titanestriid.
Net allinnich Eastermarders fochten mei mekoar om de heechste eare. Lykas oare jierren wienen der no ek wer dielnimmers fan bûten ús doarp wêrby’t de Kamminga’s fan Twizelerheide mei fjouwer persoanen sterk fertsjintwurdige wienen en mar tapaften.
Wapene mei skomaat en administraasjemateriaal moasten sjueryleden Toop v.d. Velde en Wijbe Postma har wei fine troch de ‘wolken van genot’. By it bepalen fan ‘e folchoarder fan priiswinners die him de sitewaasje foar dat Sipke Hoekstra en Roelof Faber in peukje oer hienen mei eksakt deselde lingte: 18 millimeter. Nei oerlis mei de sjuery die Sipke in sportive stap tebek troch te melden dat de beker foar de tredde priis him like dierber wêze soe as dy foar de twadde.
Sadwaande koe de sjuery nei rom oardel oere de útslach bekend meitsje:
1. Gepke Hoekstra (17 millimeter);
2. Roelof Faber (18 millimeter);
3. Sipke Hoekstra (18 millimeter).
-
- Informatie
- 22 april 2024
Doop skûtsje de Broekophalder: een feestelijk spektakel!
Na een geslaagde tweede training op de Burgummer Mar stond de bemanning van Skûtsje de Broekophalder... Fierder lêze » -
- Informatie
- 17 april 2024
Factsheet herstel brug Skûlenboarch
Op 3 februari van dit jaar raakte de brug bij Skûlenboarch zwaar beschadigd door een aanvaring. Het... Fierder lêze » -
- Informatie
- 12 april 2024
Eastermar is...
…nije autoladerij foar it BetterSkip oer. Meikoarten yn funskje. Fierder lêze » -
- Informatie
- 12 april 2024
Oud-Eastermarder Gepke Hoekstra exposeert in KAF
Studenten en alumni exposeren van 27 april t/m 5 mei in de werkruimtes van Kunstacademie Friesland m... Fierder lêze »
-
- Informatie
- 12 april 2024
Eastermarder music night tijdens Dorpsfeest
Beste Eastermarders,Dit jaar staat de 51e editie van het dorpsfeest op de planning! Wij zijn druk be... Fierder lêze »