Sneon 29 septimber waard der yn de gymseal de doarpsfeiling fan stifting De Burgerkamp hâlden. Der wiene 141 kavels dêr't op bean wurde koe. Dy 141 kavels bestienen út allerhanne produkten of tsjinsten dy't bedriuwen of partikulieren beskikber steld hawwe. In partij iepenhurd-hout, in eigen bakte cake of in stikmannich badjassen. Mar ek in taksyrit fan 150 kilometer, in pear kilo tsiis of mei nei in fuotbalwedstriid fan S.C. Heerenveen. It wie allegear ‘te keap' foar it goede doel, de sportferienigingen fan Stichting Burgerkamp.
Gerard van der Veer bea en ferkocht de earste kavel.
Oan âld-Eastermarder Gerard van der Veer de eare om de earste tsien kavels te ferkeapjen. As tsjinprestaasje bea er sels ek noch in kavel oan: in rûnlieding troch it gebou fan Omrop Fryslân en dêrnei in útstjoering fan Faktor Freed bywenje. Dizze kavel is úteinlik foar € 60,-- fuortgien. In badjas smiet € 30,-- op, in ‘diner voor twee' by Floor en Antsje gie foar € 100,-- fan ‘e hân. Klapper fan de jûn wie in stik nageltsjetsiis, beskikber steld troch Frico Cheese. Dizze tsiis waard ferkocht foar € 106,--!
De oproppers wienen ôfwikseljend Jan Brander, Cor Brouwer en Gerard van der Veer.
De totale opbringst is rom € 5200,--, de opbringst fan de spesiale kalinder net meirekkene.
It krekte bedrach sil letter bekend makke wurde.
-
- Informatie
- 28 maart 2024
Nijs fan de Iterstùn en it Itersbosk
Groene lentekriebels in de Iterstún: er zijn ladingen groenten gezaaid die straks geplant worden op... Fierder lêze » -
-
- Informatie
- 26 maart 2024
Preamsilen op de mar: 4 maaie 2024
Lykas ferline jier sil ek yn 2024 de Burgumer Mar wer it toaniel wêze fan ferskate wedstriden fan de... Fierder lêze » -
- Informatie
- 24 maart 2024
Keningsdeifeestje
Kontaktpersoan: Frieda FaberTelefoan: 06-21262256 Fierder lêze »
-
- Informatie
- 12 juni 2022
Kantine en Dorpshuis
Sinds januari 2022 is Hendrik Hoekstra de enthousiaste beheerder van sportcomplex de Burgerkamp.&nbs... Fierder lêze »