DL Kuierpaad Lits1

Foarich jier makke dizze webstek al melding fan it brechje neist it brêgewachtershûs, sadat wy tenei kuierje kinne by de Lits del richting útsjochpunt. Mar it wie doe al gau ho. Tsjien meter fierder kamen wy foar in sletsje te stean, seagen keurich it skelpepaad achter de sleat fierder rinnen, mar sûnder pols kamen wy net fierder.

Fan hjoed ôf is dêr feroaring yn kaam. Der leit no in batte (hie wol wat breder kind mar toemar) oer it sleatsje dat wy kinne no fierder op ûntdekkingsreis. Mar net foar lang. Dêr wachtet ús in hikke. Dêr kinst oerhinne klimme mar dat mei net oant 15 juny ta (ek al stjit it buordsje dêre ferkeard om).

Wy moatte dus noch efkes geduld dwaan en wa wit is der tsjin dy tiid wol in klaphekje kaam en kinne wy oer it simmerdykje en tusken de skiep troch op nei in nij simmerparadyske.

Oar doarps- en ferieningsnijs:
Ek nijsgjirrich: