Fan de 21 kearen (yn 35 jier) dat de priis útrikt waard wie it no foar de fyfde kear dat in pân yn Eastermar de priis wint. De pleats 'Nieuw Stedma' oan de Grote Hornstweg 16 is troch de sjuery (mei û.o. Peter Karstkarel) oanrikkemandearre om dizze oanmoedingingspriis oan ta te kennen. Evert Tuinstra, foarstitter fan de Stifting Karakteristyk Tytsjerksteradiel, hat op freed 27 septimber dizze priis yn in gearkomste op de pleats útrikt oan de eigner fan it pân: de Wiersma Reitsmastichting. De hear Rijpma, bestjoerslid en rintmaster fan dizze stifting en tige wiis mei de takenning, naam de priis yn ûntfangst. De priis bestiet út in gevelbuordsje en in bedrach fan € 500,-. Dit bedrach is beskikber steld troch sponsor Wijmenga fan Burgum. De takenning fan de priis is altyd achterôf. Dat komt wat betiizjend oer mar it giet yn dit gefal dus om de Karakteristykpriis 2012.
Links Evert Tuinstra fan St. Karakteristyk Tytsjerksteradiel, rjochts Jappie Rijpma fan de Wiersma Reitsmastichting
Boubedriuw Swart hat it restauraasjewurk dien oan de bûtenkant en oan de konstruksje fan de pleats. It bedriuw is fansels tige grutsk, want ek foar harren is it in grut komplimint. De sjuery wie fol lof oer de sekuerens wêrmei't it wurk útfierd is. De konklúzje fan it sjueryrapport is te lêzen op www.bouwbedrijfswart.nl.
2012, It jier fan de priistakenning, komt ek nochris hiel moai út want de pleats 'Nieuw Stedma' is dan presiis 100 jier âld.
Siep Swart wyt noch in aardich detail te fertellen oer de bou fan it pân, mei om't syn heit hjir noch oan meiwurke hat. It foarhûs is justjes heger as dat fan de pleatsen op de Seadwei 6 en 8. In teken om oan te jaan dat de eigner tige bêst buorket. Ek it metalen plafond yn de opkeamer (hiel seldsum) en de metalen lambrisearring yn de gong binne dêr in utering fan.
Detail fan it metalen plafond (net restaurearre)
De 5 pânen yn Eastermar dy't de Karakteristykpriis Tytsjerksteradiel (of in part dêrfan) oan no ta krigen hawwe, binne resp. it Wâltsje 7 (1982), Seadwei 6 (1985), 't Wâltsje 23 (2000), Wytfeansterwei 8 (2005) en no dus Grote Hornstweg 16 (2012).
Boubedriuw Swart út Eastermar hat de restauraasje útfierd fan priiswinnende pânen oan 'e Seadwei 6 yn Eastermar (1985), 't Wâltsje 23 yn Eastermar (2000), Achterweg 5 yn Sumar (2001), Sigerswâld 15 te Garyp (2006) en no dus Grote Hornstweg 16 (2012).
-
- Informatie
- 14 juni 2025
Roxanne opent de deur van Meerzigt
Vanaf zondag 15 juni gaat Meerzigt weer open. Roxanne Wolters, afkomstig uit het Groningse Onderdend... Fierder lêze » -
- Informatie
- 14 juni 2025
Doarpsfeestbylden 20 jier lyn
Mei it doarpsfeest fan 2025 op komst alfêst bylden út 2005 om yn de stimming te kommen. Fierder lêze » -
- Informatie
- 11 juni 2025
Brouwer&Brouwer BV verlengt hoofdsponsorschap skûtsje Ea
Brouwer & Brouwer BV heeft vrijdag 16 mei het sponsorcontract met 3 jaar verlengd.Hier zijn wij als... Fierder lêze » -
- Informatie
- 08 juni 2025
10 jier doarpskrante MARNIJS!
De doarpskrante bestiet dit jier 10 jier. Meikoarten falt yn hiel Eastermar it jubileumnûmer yn de b... Fierder lêze »
-
- Informatie
- 06 juni 2025
Doarpsbelang freget jo help foar de nije doarpsfyzje
Eastermar moat in nije doarpsfyzje hawwe. Mar wat is dat eins, in doarpsfyzje? Dat is in plan dêr’t... Fierder lêze »